Ballon-vuurpyl

Benodighede:

• Ballon
• Tou of wol (ten minste 2 meter lank)
• ‘n Strooitjie
• Kleeflint
• Skêr
• 2 Stoele

Instruksies:

1. Nadat julle al die benodighede bymekaar gemaak het, bind die een kant van die tou aan die agterkant van ‘n stoel vas.
2. Ryg die strooitjie deur die los kant van die tou en maak die tou dan aan die tweede stoel se rugleuning vas.
3. Blaas die ballon op totdat dit lekker groot is en plak dit dan met die kleeflint op die strooitjie vas. Moenie die ballon knoop nie.
4. Gaan staan by een stoel en los die ballon dat dit afblaas. Die ballon sal vinnig na die ander stoel toe beweeg
5. Wat leer ons? Vir ‘n voorwerp om in een rigting te kan beweeg, moet ‘n krag in die teenoorgestelde rigting werk oftewel Newton se derde bewegingswet: “Elke aksie het ‘n gelyke en teenoorgestelde reaksie”.